Shillong: Katwa ka jylla dang yang ko yaka Result Election MP na ar tylli ki Parliamentary Seat na Shillong wa Tura, ki yaklam wa uyi wow mihkhmat ya ka jylla cha ka yung dorbar chna aiñ ka Rajya Sabha da lai ki cha khmat.
Kamwa man kattæ, ka MP cha ka Rajya Sabha da mihkhmat da ka Wansuk Syiem na ka seiñ Congress wei ka samoi krehkaam yong ka u kut noh ko ha u Naitung (April), 2020.
Kamwa man kattæ ka NPP ka kwah ko wa u State President NPP Meghalaya, u Dr. WR Kharlukhi, wow mihkhmat u yaka jylla cha Rajya Sabha.
Ki khubor da pyntip ki wa da em i ya pynbait wa lada u kyrtong ka MDA u jop u yaka Election MP ha kani ka kynti, da tikna wa u MP cha Rajya Sabha u man u naka NPP, u Dr. WR Kharlukhi.
Ka sorkar MDA da pynyieñ ko ya u Dr. Jemino Mawthoh naka UDP kam u kyrtong hunlang neibynta ka Election MP wei lada jia wa jop u , u Dr. WR Kharlukhi daw yoh u wow mihkhmat cha yung dorbar Rajya Sabha.
Kam wow kdaw heini wa ka NPP ym pu em klam ko yaka Election MP Rajya Sabha tangwa da sñiawthooh wa ka sorkar synrop u ya tylli ki ha kani ka kaam.
Discussion about this post