U DHS (MI) ka jylla Meghalaya da pyntip u wa hadien wa da dep yoh yaka Report yong waroh kiwa em hei maa (High Risk Contact) kiwa em 44 ngut ki wakreh haka Shillong Times wa ym em wa yoh COVID-19, neiliang ki Doctor da sñiaw ki wa ym emkaam de wow pynman Containment Area ya kani ka thaw kreh.
U DHS da pyntip u wa uwa khaddooh wa da chem wa yoh COVID-19 toh haka 22 tarik uni u bnai wei da dep leh wow siat dawai wei wow pynkhooid ya kani ka yung krehkaam heiwa da lait pait leh ya ini da u DM&HO kamtæ da pynkhreh yaka Report yow pyndam noh wow pynman Containment Area ya kani ka thaw wei i rai wa khaddooh chong ko haka DC.
Chooh chooh da pyntip u leh wa ki kyndon toh wa ya kini ki 44 ngut u pyndep chwa ki yaka Quarantine yong ki wei wow neh bait ki ha i thaw wa leh Quarantine ki wei ym toh u lai kreh ki.