Ye wow pynkreh ya ka ILP ha Meghalaya tangwa chitom won ha Assam: NEIPF

Shillong: Ka dhab ki seiñbhalang na ka thaaiñ mihsngi hapoh ka lama ka North East Indigenous People’s Forum (NEIPF) ynnin ka sngi da pynsñiaw ko yei burom ya u Montri Rangbah ka Meghalaya, u Conrad Kongkal Sangma yei pyrchah u ya ka Citizenship Amendment Bill, 2016.

Neiliang u Chief Convener ka NEIPF, u Anup Chettia da ong u, “I burom i yei yieñ dap chynrang u Conrad wow pyrchah ya ka CAB hanlada ka party yong oo emlang ko ha ka sorkar wa yahkhmat da ka BJP ha Delhi, i emkaam chooh i ya kam kini kiwa yahkhmat ha ka thaaiñ mihsngi.”

Heijooh i por u Anup da ong u wa lada ka sorkar India lai ko chakhmat ya ka CAB, daw pyrchah joor ki ryngkat i krehlang waroh ki tre chnong ka thaaiñ neibhah kani ka CAB daw pynwiar ko ya ki khian paaid ka thaaiñ.

Heiyatoh wa i pynkrehkaam ya ka Inner Line Permit (ILP), neiliang u Anup da ong u wa hadooh katni ka seiñ ympu em yaklam ko hajrong ini, tangwa ha Meghalaya ye wow pynkrehkaam ya ka ILP wei daw chem chitom wow pynkrehkaam ya ka ha Assam.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Heijooh i por u Anup da pyntip u wa da pynskem ya ka NEIPF Meghalaya Chapter heiwa da jied ya u Wellbirth Rani kam uwa yahkhmat wa hakhmat.

U Anup da kyntait u wa em i thmu wow pynmih ya ka seiñ saiñ pyrthai na ka NEIPF, tangwa da ong u wa daw man bait ko wow kreh yei bha i miat ki khian paaid ka thaaiñ mihsngi wa ki jaitbru wa man kyrpang.

Neiliang u General Secretary ka FKJGP uwa man leh uwa yahkhmat ha ka NEIPF, u Dundee C Khongsit da ong u wa ka NEIPF u man ko ka wow wanrah yei yatylli yong waroh ki jaitbru ri-loom mihsngi wow yada ya ki jaitbru ka thaaiñ kam i wanrah ka sorkar pyrdi ya ka CAB, i pynkrehkaam ya ka AFSPA wa kiwi kiwi.

Chooh chooh ka NEIPF u kreh ko leh wow wanrah yei chongsuk chongsaiñ ha thaaiñ khappood ka Meghalaya wa ka Assam.