U Deputy Commissioner ka West Jaiñtia Hills da pyntip u wa hapoh ka SMART Public Distribution System (SMART-PDS), da em boon ki yarap wa yatoh wa ki Ration Card chirup wa kiwi de kiwa ye u yoh kiwa chong chnong Online.
Kiwa chong chnong ye ki wow booh ya ki Application deiwa lai ha https://ml.smartpds.nic.in/login/citizen kawa pynkrehkaam da ka chnat Food, Civil Supplies and Consumer Department ka sorkar Meghalaya.
Wei ye wow psiah (Login) toh deiwa pynemkaam ya u Aadhaar lane deiwa pynemkaam ya u Ration Card Number heiwa daw phah cha ki ya u OTP.
Ki yarap namo ki Services wa e kattæ toh neibynta ka Smart PDS wa kyntup yow yaleh ya ka Ration Card thymme neitæ u chah leh wow thap yei pyrtuid ki dkhot yung kam chibynta ka Ration Card wa da em chwa kamjooh wow Transfer ya ka Ration Card, wow kyrriah yei pyrtuid ki dkhot ka yung wei wow pyndam ya ka Ration Card.
Kamtæ da kyntu ya kiwa chong chnong wow chim kabu yeini.
Discussion about this post