Deiwa pynemkaam ya ki kot wa chna thok hei pyrtuid ka yung bichaar, 16 ngut ki koidi wa chah kset ha Lunglei Jail, Mizoram da lait ki ha ki soo bnai wa dadep.
Ini da mih pyrthai i hadien wa kiwa kreh ka Lunglei District and Sessions Court ym chem ki ya ki kot wow pynlait ya kini ki koidi.
Neiliang ki pulit da ong ki wa ini da sdang jia i na u January kat hadooh ka tayaaw wa dadep wei da ujor yeini ha ka 25 tarik u April.
Hawa thooh ya ki 16 ngut da yoh biang u kem ya ki 13 ngut heiwa 2 ngut dang yut ki katwa uwi won da yap u.
Ya ki kot wow pynlait ya ki da chna thok wei ya ki Seal leh da chna tooh heiwa ki kot sariem bha ki wa ki yong ka yung bichaar.
Hawa takit, ki pulit da chem ki wa uwi u koidi u Jeremiah Lalthangtura uwa 22 snem toh uwa da khlieh yeini.
Da pyntip wa u Jeremiah em u 8 tylli ki mukotduma pyrchah ya oo nadooh ki kaam tyngkheiñ aiñ, i thok ha ki Cheque wa kiwi ki kaam wa yatoh wa ka poisa.
Chooh chooh ki pulit da sdang ki leh wow thooh ya kiwi ki bru wa emkti wow yarap ya oo ha ini i kaam chna thok ya ki kot ki sla.
Discussion about this post