Jowai : Hadien wada mih ka khubor wa em i khonboo wa chah nohbeiñ neiliang ka seiñ EJNC da pynsñiaw ko yei sñiawkhia heiyatoh weini wei da pynrem joor ko leh yeini.
Ka EJNC da ong ko wa ini man i neidaw wa dooh khih dooh kreh ki bru iwa da pynbor yaka manbei wow leh kamni neibhah ymtoh man i iwa suk tangwa du neidaw wym yohsa donhi.
“Nadooh wa khang tih mooyong ka NGT ki kaam tooh, kaam lute, ki kaam tynyap bru da roi bha i ha EJHD wa haka jylla hi waroh kawi wei da em leh kiwa da pynkut yabor yei mynsien yongki du neidaw wa dooh khih dooh kreh, wei lada kamni yeiyi u kynnoh? Ya kiwa leh namo yaka NGT?” da ong u Genl Secretary EJNC-CC u ma Sambormi Lyngdoh .
Ka seiñ kyntu ko yaki paidbah wow pyrkhat ki deimiat næ heiyatoh weini neibhah wa datoh ipor wow mih paidbah biang sa chisien wow dawa yei hok wa yei jakpoh weiwow kreh laitlooid kam haki por nachwa.
Ka EJNC ha kini ki sngi wow wan daw khut yalang ko ya kiwi ki seiñbhalang kiwa sñiawkhia heiyatoh wa ini iwa ktah yaka jaitbru wei daw chong pyrkhat yeini.
Heijooh ipor ka seiñ da pynkynmoo biang ko chaka sorkar yeiwa da jia haka 24 Naikhynde 2014.
Discussion about this post