Yeiñ pyrchah ka PDF wa ki paidbah ka Mylliem Constituency ya ka CAB: Hamlet

Shillong: U Montri ka chnat Urban Affairs, u Hamlet Dohling ynne ka sngi da ong u wa ki paidbah ka Mylliem Constituency ryngkat wa ka Peoples’ Democratic Front (PDF) yieñ pyrchah ia ki yei thmu ka sorkar BJP ha Delhi wow pynman aiñ ya ka Citizenship (Amendment) Bill, 2016.

“Lada kani ka Bill man aiñ ko daw wanrah ko yei ma ya ki jaitbru khian paaid hapoh ka jylla wa ka thaaiñ mihsngi, ya kani ka Bill kawa dadep mynjur da ka dorbar Lok Sabha, dang sahkut ko sa ha ka dorbar Rajya Sabha wow yoh mynjur wow man aiñ ko,” da ong u Hamlet.

Da ong u wa ka sorkar jylla leh pyrchah ko ya kani ka Bill neibhah sñiawthooh ko wa lada kani ka Bill man aiñ ko, daw wanrah ko yei eh ya ka jylla wa ya ki paidbah tre ri kiwa ye wow dooh ya ka thaw yong ki.

“I em i ki bru wa da kamwa 14 hadooh 15 lak ngut, kynthup ya ki Khasi wa Jaiñtia, lada pynman aiñ ya ka CAB, kam ka jaitbru ye i wow chah tlep noh wei daw dooh i yei man kyrpang ka jaitbru,” da ong u Hamlet.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Kam ka dak yong i pyrchah ya kani ka Bill neiliang ki paidbah ha Mylliem yieñ ryntih ki naki thaw wow phah ka khubor cha ka sorkar India wa ki paidbah ka Mylliem ryngkat wa ka jylla waroh kawi pyrchah ki wow pynman aiñ ya ka Citizenship (Amendment) Bill.

“Ymtoh du ka sorkar jylla næ ki seiñbhalang wa pyrchah ya ka Bill, tangwa toh i kaamram yong waroh kiwa chong chong wow yieñ pyrchah ya ini i thmu ka sorkar India,” da ong u Hamlet.