15 49.0138 8.38624 1 0 4000 1 https://wyrta.com 300 0

Advertisement ad1

Advertisement ad1

Yieñ ki hajar ki khon ka Ynñiawtrep wow pyrchah ya i thmu wow pynman aiñ ya ka CAB deiwa dawa da ka ILP

0 Comments
Advertisement ad1

Shillong: I pyrchah wow pynman aiñ ya ka Citizenship Amendment Bill, 2016 da pteiñ biang ya ka ynne ka sngi ha nongbah Shillong, heiwa da chim bynta da ki phaw hajar ki paidbah na kylleiñ ka ri-loom Khasi-Jaiñtia kiwa da tooid cha madan Student kawa em ha Jaiaw wow dawa wa ha i thaw ka CAB toh u pynemrekaam chwa da ka aiñ Inner Line Permit (ILP).

Kani ka yalang paidbah kawa da khut pynman da ka Confederation of Hynñiewtrep Social Organisation (CoHSO) da sdang da i lai paidbah na Jaiaw Lum Pyllun chadooh Madan Student deilang wa i rah kot-rben kiwa em ki ktien pynrem joor ya ka sorkar BJP kawa thmu wow wanrah ya kani ka aiñ deilang wa i kbai ya ki kyntien pyrchah ya ka sorkar NDA.

Ha kani ka sngi da wan chimbynta wa ki seiñ saiñ pyrthai wa kynthup na ka UDP, PDF, KHNAM ki HSPDP, ki waheh chnong wa ki seiñbhalang waphær waphær na kylleiñ ka ri-loom Khasi Jaiñtia.

Kani ka yalang ynne ka sngi da sariem ko thij kam ka yalang dawa Inner Line Permit (ILP) ha u snem 2014 kawa da wan tooid da ki phaw hajar ki paidbah.

Neiliang u Chairman ka CoHSO u Robertjune Kharjahrin u da pynbna u wa kani ka yalang paidbah da rai ki wow yakhun pyrchah ya ka sorkar pyrdi wa toh u pyndam ya kani ka Bill wei ka sorkar jylla toh u pynkrehkaam noh ko ya ka Inner Line Permit ha ka jylla wow khanglaad yei wan psiah ki bru nabaar chapoh ka jylla.

Da ong u leh wa lada ka sorkar pyrdi ym pynsangeh ko ya ka CAB, daw yakhun bait neini chakhmat wei da paan u leh yei kyrchaan wa i krehlang ki paidbah ka ri Ynñiawtrep.

Advertisement ad1

0 Comments

  • January 31, 2019 at 5:14 pm
    S lamare

    Chaphrang ïong i, nei bhah ka Ri

    Reply

Leave a Reply