U Heiboklang Suting kam u kyrtong samen, da wan thap pyrtuid u ynne wow yakhun MDC cha ka JHADC na ka 4-Amwi Khliehtyrshi Constituency.
Hawa klam cha kiwa thoh khubor hadien wa dep thap pyrtuid, da ong u wa i daw wa pynman ya oo u mih yakhun biang ha kani ka kynti, toh wa yoo u ka District Council em ko i tlot hei wow pynmih yaka yarong poisa kamjooh leh i tlot i rukom krehkaam yong ka.
Wei lada ki paidbah jied ki ya oo kam uwa mihkhmat cha ka JHADC, deilang wa ki kyrtong wa daw jop, khamtam lada ye u wow embynta hapoh ka Executive Committee, u pyrchang u katwa ye wa lah u pynwandur ya kini ki mat wa oo chynna u iwa pyntlot yaka Council.
Heiyatoh waka Constituency ong u, hei lai luti u wow yachem waki paidbah cha ki yung ki sem yong ki, chem u wa ki luti syngkeiñ man iwa duna, wei em ki thaw tang u lai heipor slap leh wym hoi.
Heiyatoh waka chnong yong oo, ka Sohmynting ong u yoo wyrai wa chah iehbeiñ ko ha kiwa mihkhmat hachwa yong oo, ka chnong kawa jngai du 10 kilometer donhi na Jowai da yoo lakam kawa jngai 100 kilometer.
Discussion about this post