Shillong: Ka sorkar jylla ynne ka sngi da rai ko wym ksoh de yaka tulop ki wakreh sorkar kawa toh yong uni u bnai, ini i rai yong ka sorkar toh hadien wa ka sorkar India da pynlait ko yaka bhah yong ka jylla wa yoh nei lum dan.
U Montri Rangbah ka jylla uwa pait leh yaka muna tyngka, u Conrad K Sangma da ong u wa ka sorkar da rai ko wow ksoh chwa kajiak ka tulop yong ki wakreh ha u bnai wa da dep toh neidaw wa chah ktah syndet ha ka khlam COVID-19, wei heitu i por ka sorkar ym tikna de ko yei rukom yoh ya ka dan wada bhah na ka sorkar pyrdi.
Da ong u wa i yoh ya i bhah naka sorkar pyrdi da hiar i, tangwa ym em hiar won kamwa da antaad. Chooh chooh da ong wa ka dan wa pynmih hi da ka jylla man ko kattæ du kamwa 20-30%, deiwa pynsñiaw u leh wa kyrmen wa ha ki bnai wow wan daw sdang u ku biang i wai biang ya kiwa boon ki kaam ha ka jylla.
U Conrad da ong u wa ka sorkar hadien wa bichaar ko yei yoh bhah na ka sorkar pyrdi da chim ko yaka rai wym ah de yaka tulop yong uni u Naisan ya kawa ki wakreh sorkar u yoh ki ha u Naiynru wow wan.
Ha i jooh i por u Montri Rangbah da e khublei u ya waroh ki wakreh sorkar kiwa da yaichah wei sñiawthooh ya ini i eh ka sorkar, tangwa da ong u leh wa neibynta ki bnai wow wan, daw chong ha i kylla yong i por wei kamjooh ha i yoh bhah na ka sorkar pyrdi.
Discussion about this post