U MLA ka BJP na Pynthorumkhrah uwa man leh u Montri hapoh ka sorkar Meghalaya Democratic Alliance, u Alexander Laloo Hek da ong u wa ym bha wow wanrah ya i yaphær jaitbru du na iwon iwon i jia.
U Hek da ong ya ini hawa kylli hajrong i pynbaad chah dat wei thombor ki 3 ngut ki khynnah Khasi na Wahkaji ha ki 20 ngut ki damok kiwa ym toh ki Khasi, ha i janmiet ka 21 tarik. Da ong u wa iwa emkaam katni ya ki paidbah toh u sñiawthooh ki wa ym toh wow e laad ya i yachoon næ iwon iwon wa man pyrchah ya ka aiñ.
Da ong u wa ye u man wa em i yachoon yong samen, tangwa ya kiwa chim ya ka aiñ ha i kti ym ye wow pdiang wei ka aiñ hi daw chim ko ya i luti wa eh.
