Lok Janshakti Party da thoh ko cha ka Chief Secretary ka jylla yow pyntip wa u State President ka Party, u Jamil Ahmed da lai u cha Mawkyrwat wa cha kiwa boon ki thaw ka West Khasi Hills ha ka 13 wa 14 tarik uni u bnai yow pait ya kiwa chah ktah nei joor u slap waka la-ær heiwa i yung ka Medalin Thongnirit ha Mawjarain da pra lut i, katwa ki yung ka Resdalin Paliar ha Nongdiloin da chah ktah i malu mala kamjooh i yong ka Wondit Marwein ha chnong Mawlangwir.
Da kdaw leh wa ka umkor ha Mawkyrwat toh ka wym biang hanla u Montri ka chnat PHE toh uwa naka Mawkyrwat Constituency.
Kamtæ da kyntu ya ka Chief Secretary wow chimkhia ya ini.
Ka LJP da pyndam ko leh ya ka District Committee ka South West Khasi Hills District deiwa thung thymme noh da kawi ka District Committee wa thymme deiwa em 19 ngut kiwa ksoh kaam wa u Shongdorlang Nonsiej kam u President.
Ka Party da ong ko leh wa kwah ko wa ka Meghalaya wow man ko kam ka jylla wa lait na waroh ki kaam baam tooh neibhah ka jylla da em ko ha kti kitu ki wym kwah wow roi u paar ka jylla.
