U Montri Rangbah ka Assam, u Himanta Biswa Sarma da ong u wa BJP ym bien ko wow khut ya ka TMC yow chna sorkar ha Meghalaya wei ha kani ka kynti daw yoh Montri Rangbah leh da uwa na ka BJP.
Da ong u leh wa ha u 2018 da rai wow ya krehlang waka NPP neidaw wym kwah ya ka Congress wow wan ko hei bor tangwa katni won da kylla neibhah ka BJP da ye ko wow yieñ hei kjat yong ka hi wow chna sorkar.
Heiyatoh wa ka NPP katni, ym em bien u wow beiñ ya ka tangwa da ong hi-eh u wa ka sorkar pyrdi da dep e poisa ko chiboon cha ka sorkar jylla kam wow chna ya ka Medical College wa kiwi de tangwa ym em chna ko iyi iyi leh.
Da kyntait u leh wa ka BJP pyrchah ko ya ki Christan.
U Himanta da wan u cha Meghalaya wow yalap Election wei ynnin da em u ha Shillong yow yalap Election neibynta u kyrtong ka BJP na East Shillong, Nongtyhmmai, Pynthorumkhrah wei da lai u leh cha Nongpoh wow yalap neibynta ka kyrtong ka Party.
