Ym bien ka High Court wow pysangeh yei yaleh kreh pulit ha Meghalaya

Ka High Court ka Meghalaya ynnin da kyntait ko yei dawa kiwa yaleh mukotduma wow pynsangeh heiyatoh wa ka Advertisement yaleh kreh pulit hapoh ka jylla kawa em 1255 tylli ki kreh wa lait.

Kiwa yaleh mukotduma da ong ki wa ka sorkar ha ka 03-02-22 da pynmih ko yei pynbna lyngba ka Office Memorandum wa da pynku yei rta kiwa ye u yaleh kreh nadooh 27 snem hadooh 32 snem wei da pyntam sa san snem ya kitu kiwa man kam ki ST wa SC wow yaleh kreh tangwa manda khut yaleh kreh pulit ha ka Advertisement wa da pynmih ha ka 06-03-24, ym em bood ya kani ka kyndon deiwa e daw wa kani ym krehkaam ko ha ki chnat pulit iwa da pyndooh laad ya kiwa boon kiwa kwah u yaleh kreh.

Neiliang ka sorkar da jubab ko wa ka Advertisement wa da pynmih ha ka 06-03-24 toh kawa da pynmih da ka Central Recruitment Board wei da bood katkam ki kyndon ka Meghalaya Police Act, 2010 heiwa yei rta kiwa yaleh kreh da bood katkam ki kyndon kani ka aiñ wei katkam ka pynbna sorkar ha ka Offie Memorandum wa da pynmih ha ka 01-05-24 heiwa kiwa yaleh mukotduma leh ym em pyrchah ki ya ini wa da pynbna ka sorkar.

Kani ka Office Memorandum wa da pynmih ha ka 01-05-24 toh kawa kdaw yei rta (Minimum & Upper Age Limit) kiwa ye u yaleh kreh pulit hapoh ka Home (Police) Department.

Related posts

Da chim ya ka Statement u pulit wa yah ya ka kari wa ya tyrrah wa ka thuk-thuk

November 24, 2024

Thung ka sorkar da ka Committee yow pynthymme noh yei rukom krehkaam ka MPSC

November 24, 2024

Ka High Court hawa e yei bichaar deiwa pait ya ka Office Memorandum wa da pynmih ha ka 03-02-22 kawa kiwa yaleh mukotduma da pynman ki kam ka yurim wow yasaaid, da ong ko da thoh che wa ini i pynku rta ym krehkaam ko ya kiwa yaleh kreh ha ka chnat Home (Police), Excise Registration Taxation & Stamps, Home Guards & Civil Defence, Prisons wa Forest & Environment.

Chooh chooh da ong wa ha ka Office Memorandum kawa da pynmih ha ka 01-05-24 da thoh ya ka rta (Upper Age Limit) kawa 27 snem ya kiwa yaleh kreh Sub-Inspector wa 21 snem ya kiwa yaleh kreh Constable deiwa bood ya ki kyndon ka aiñ Meghalaya Police Act deiwa pynyinsur sa 5 snem neibynta ki ST wa SC.

Kamtæ da ong kiwa yaleh mukotduma da yaleh ki du hajrong ka pynbna ka sorkar wa da pynmih ha ka 03-02-22 wei ym em boh ki ya ki kyndon ka aiñ Meghalaya Act næ boh ki ya ka pynbna sorkar wa da pynmih ha ka 01-05-24, hajrong ini waroh, ka yung bichaar ym em chem ko wa em ki daw wow pynmih kawon kawon ka hukum, kamtæ da kyntait yeiwa dawa kiwa yaleh mukotduma wei da pynkut leh ya ka mukotduma.

Da ong leh wa i yaleh kreh toh iwa da lai chakhmat wei ym emkaam de iwon iwon wow pyrkhat hajrong wow pynsangeh yeini.