I pyrchang ki muktiar ka Sonam Raghuvanshi wow pynyoh jamin ka da chah kyntait i ha ka yung bichaar District and Sessions Court, Shillong.
Ki muktiar ka Sonam da e daw ki wym em biang ka Charge Sheet wa da e ki pulit tangwa ka yung bichaar da kyntait ko yeini.
Ka yung bichaar ye ko wow pynkhreh ha u bnai wow wan ya ki kyndon wow bichaar ya ka Sonam, u Raj Kushwaha wa le ngut kiwi de kiwa da chah pynbaad wa emkti wow pynyap ya u Raja Raghuvanshi ha ka 23 tarik u Nasan ha uni u snem ha thaaiñ Sohra.
Kam wow pynkynmoo wa ya ka jamin da yaleh nyngkong ha u Judicial Magistrate First Class, Sohra tangwa da hap lai rah noh cha ka yung bichaar wa rap hakhlieh ha ka District Court.
Ya ka Sonam Raghuvanshi, u Raj Kushwaha, u Vishal Chauhan, u Akash Rajput wa u Anand Kurmi dadep lai yah ki hakhmat ka District and Sessions Court ha kani ka tayaaw wei daw chong bichaar biang ki hadien 13 sngi.
Discussion about this post