Ki bor District ka Ri-Bhoi chirup wa u Superintendent of Police da pyntikna ki wa ym chah wow pynman yakhih ka Kutumba Surakshya Parishad (KSP) ha Byrnihat, Khanapara ha ka 24 tarik uni u bnai.
Ini wan i hadien wa kani ka seiñ Hindu da maham ko wow yakhih ha Byrnihat wa Khanapara hapoh Ri-Bhoi District lada ym chah ka sorkar Meghalaya wow lehniam ha krem Mawjymbuiñ, Mawsynram.
Ka KSP da maham ko wa lada ym chah wow lehniam ha ini i thaw daw pynman ko dei yakhih wow khang sarok wa psiah cha Meghalaya.
U Deputy Commissioner, u Abhilash Baranwal wa u SP, u V.S. Rathore da pyntip ki wa ki bor District da pynkhreh wei da paitsiar ki yei man i long katni khnang wow pynneh yei chongsuk khamtam heipor wa lehkmen Christmas.
Da pyntip ki leh wa da krehlang ki wa ki bor ka Kamrup Metro District deilang ki pulit wow khang ya kiwon kiwon ki seiñ wow yakhun ha khappood Assam-Meghalaya.
Discussion about this post