Hadien wa da pynbna wa u Bryan Adams daw wan tem u ha JN Stadium, Shillong, da mih i khuslai na ki paidbah neibhah kani ka madan toh kawa dang dep pynchna thymme wot.
Heiyatoh wa ini, neiliang u Montri Rangbah ka jylla, u Conrad Sangma da khana u kam kini ki jait Concert da jooh pynman ha kiwa boon ki madan hapoh pyrthai deiwa yada ya u phlang wa em ha ka madan.
Da ong u wa ha waroh kawi ka madan wa daw yieñ ki paidbah daw booh da ka Platform kawa chkeh wa skem yow lait ki paidbah wow yieñ hajrong u phlang.
Yeini da pyntip u wa daw leh da kiwa pynman ya kani ka Concert wei ka sorkar leh daw pyntikna ko wa kani ka Platform toh kawa biang chwa wow e laad u lai ki chakhmat.
Da ong u leh wa iwa ye u chah ktah u phlang toh ha ki kjat kani ka Platform tangwa daw man biang kamwa jooh hadien 7 sngi wei ini wa pynemkaam da ka Platform toh i stat wa da leh cha kiwi ki thaw.
Chooh chooh da ong u wa kani ka madan da chna ka yow ye u pynman ya kiwa boon ki jait kaam yow lait ko wow chah ieh khlem da pynemkaam wei daw yarap ko leh wow pynmih poisa.
Discussion about this post