U Kyrmen Shylla, uwa man leh kam u Montri sorkar da ong u wa lada chah pynbaad uwon uwon u MLA hanla em u ha ka liang synchaar næ liang pyrchah wot ya ki bru paidbah emkaam wow pynbiang ki sabut.
Da ong u wa khlem ka sabut da man ko kamwa ya klam kyndeh hi-eh ha ki yaaw ki haat deiwa ong wa dai drugs u khlem da ye wow pynsakhiat.
Da ong u wa ye ki wow pynbaad ya u mooyong, yei kiad tangwa wow pynbaad won heiyatoh wa i drugs toh i wym ye tang u pyrkhat leh khamtam ya u wym em tang u pynemkaam drugs iwa da chah pynbaad u Symbood Montri Rangbah, u Sniawbhalang Dhar.
Da ong u leh ymtip uwon uwa toh wei uwon uwa bakla tangwa lada toh wa emkti u ha kini ki kaam toh u beh oo leh ym du napoh ka Cabinet tangwa napoh ka jylla waroh kawi neibhah ngait i wa hapoh ka jylla ymtoh u em i drugs.
Chooh chooh da ong u ym du ya u Sniawbhalang tangwa ya uwon uwon leh neibhah hap wow phah ya ka khubor wa khor cha kiwon kiwon kiwa emkti hei drugs.
Discussion about this post