Ym chaniah de ki paidbah ya ka sorkar Congress hapoh ka Jylla: BJP

Jowai: Ka Bharatiya Janata Party, West Jaiñtia Hills District ynnin ka 2 tarik da pynman ko ya ka yachemlang ki dkhot ka party ha Yungwalieh ka Tpep Pale Jowai heiwa da pynman ya ka esikai hajrong ki le tylli ki phang kiwa kynthup ya ka “Ideology of the party”,  wa ar  “On policy and programme of the party” wa chaphang ki Central Scheme.

U State President BJP u Shibun Lyngdoh hawa klam u kam u kongsan da ong u wa kam kiwa kreh ka party toh u sñiaw tre ki hapoh ka ri khnang wow yoh ya i synchaar wa khooid.

“Neiyi i daw wa emkaam u sniaw tre toh wa ka Party BJP yieñ ko ha ka yurim wa skem wow chakri neibynta kiwa chong chnong ka ri India, ym du neidaw ki Hindu,  ki Muslim, ki Kristan næ Niamtre kamwa da pynbaad kiwi wa man ko ka party niam” da ong u Lyngdoh.

Chooh chooh da ong u wa ka thong yong kani ka party hapoh i yahkhmat u Montri Rangbahdooh ka sorkar India u Narendra Modi katwa ye toh u pynwiar ya ki kaam baam-tooh, i leh chiliang khmat, khnang wa waroh u man ki kiwa salonsar hapoh ka ri.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Da yasait u leh ya i chah pynbaad ka seiñ ha kini ki sngi wa dadep heiwa da ong wa pyrchah ko ya ki Kristan, wa kiwi kiwi tangwa da ong u wa ka ka seiñ yieñ skem ko katkam ka riti synchaar ka ri.

U E. Kurkalang da pynche u chaphang ki kattu katni ki parom wa tbian yong  ka party, wei da ong u wa ka party yaleh ko wow e i chakri wa pura cha ki paidbah ka ri khlem niaw chiliang ya ka niam wa kiwi kiwi.

Da pynbaad u yaka sorkar Congress kawa synchaar ha kani ka jylla deiwa ong wa ki paidbah ym chaniah de ki yaka heiwa manda lai cha luti syngkieñ du kiwa tim ya ka.

Neiliang u District President East Khasi, u Babul Suting hawa e i klam da batai u yaka yurim wa ka party yieñ ko, wei da e nongmuna wa da jied ya ka cha kiwi ki thaw toh du na ki kaam wa khroo ka BJP.

Da ong u leh wa katni boon bha kiwa ksohkti wa ka seiñ wei i daw hi toh wa yoo ki ya ka thong u Modi wei kat dang lai ki por daw boon paaid dooh ko.

Hei yatoh wa ki Scheme ka sorkar pyrdi kiwa da pynmyntoi ya ki paidbah haki 3 snem da pynche da u Khrawbok Basaiawmoit, haka yalang wa pyllai da u Marki Mulieh President BJP West Jaiñtia katwa ki kyntien khublei da yoh na u Teibor  L Hing, Secretary BJP West Jaiñtia.