Ym chaniah yei takit ka CBI wa ye ko u chah chiliang cha ka Assam: George

Ka Meghalaya Pradesh Trinamool Congress kawa man ka Liang Pyrchah ha ka jylla, da dawa bait ko wa ki pulit ka Meghalaya toh u lai kem hi ki ya ki pulit Assam kiwa siat yap ya ki 5 ngut ki waheh ka chnong Mukroh ha ka 22 tarik uni u bnai.

Ka Liang Pyrchah da dawa ko ya ini ha ka yalang yong waroh ki seiñ saiñpyrthai wa da khut da u Montri Rangbah ka jylla, u Conrad K Sangma, hadien i jia ha Mukroh ha ka tayaw wa da dep.

U Chief Whip ka Liang Pyrchah, u George B Lyngdoh hawa klam hadien ka yalang da ong u wa kamwa da yoo, ka sorkar Meghalaya da leh jem palat ko hawa yatoh wa ini wa jia, kamjooh wa kiwi ki jia ha khappood.

Da khana u wa ka Liang Pyrchah da pynsñiaw ko yei wym yahaap ya ka takit Judicial Inquiry Commission wa da thung da ki ar jylla neidaw wa kawa da thung ka Assam da kut du ha Assam wei kiwa da thung da ka Meghalaya leh ym ye wow lai takit ya ki pulit lane kiwa kreh ka sorkar Assam.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ha iwi won i liang, u George da ong u wa i takit da ka CBI leh ym pu tip hadooh mynnu u sdang wei u pyndep, deiwa pynsñiaw wa ka CBI kawa man ka Central Agency kawa ye u em cheiliang ka BJP kawa synchaar ha sorkar pyrdi wa ha Assam.