U MLA ka Mawsynram, u Ollan Singh Suin ynne hapoh ka yung dorbar da kylli u lada ka sorkar daw chna ko ya ka Civil Sub-Division hapoh Mawsynram deilang waka Rural Development Block heiwa u Symbood Montri Rangbah, u Prestone Tynsong da jubab u wa ka sorkar da pyrkhat ko wow sdang wot ya kawi ka District thymme hapoh ka East Khasi Hills District deiwa pynman ya ka Sohra kam ka Headquarter.
Da ong u wa ka sorkar da pyrkhat ko wow sdang ym du ki Civil Sub-Division tangwa wot ka District yow pynskuk pynyajan ya ki paidbah wa ka sorkar.
U MLA ka Nongthymmai, u Charles Pyngrope da ong u wa neidaw wa ka East Khasi Hills man ko kawa boon bru bha da emkaam wow em sa kawi ka District yow pynsuk yei synchaar khadar.
Heiyatoh wa ka Mawsynram, u Prestone da ong u wa ka sorkar dang pyrkhat ko yei chna ya ka Civil Sub-Division wei kamjooh ka Community Rural Development Block.
Discussion about this post