Ym e jubab ka MHA deiwa che cha ka HANM yei dawa ILP hadien wa pynman yakhih ha Delhi

Ka Ministry of Home Affairs (MHA) ka sorkar India ym em klam che ko hajrong i dawa yong ka Hynniewtrep Achik National Movement (HANM) wow pynkrehkaam ya ka Inner Line Permit (ILP) ha Meghalaya hanla ya kani ka jooh ka phang da phah leh da ka sorkar jylla wow dawa pynkrehkaam hadien wa da mynjur ya ka Resolution da ka Yung Dorbar Chna Aiñ nadooh u snem 2019.

Ka HANM da lai pynman yakhih ko haka 3 tarik u bnai wa dep ha nongbah Delhi hajrong 3 tylli ki phang dawa na ka sorkar pyrdi wa kynthup yei pyenkrehkaam ya ka ILP, i tipmit noh ya ka ktien Khasi hapoh ka 8^th Schedule wei wow thung ya ka Boundary Commission neibynta wow pynbait ya u pood u ang waka jylla Assam.

Hawa yatoh wa waroh kini ki dawa, neiliang ka MHA da chimkhia ko wow phah ya ka chithi cha ki dkhot yong ka HANM ha ka 7 tarik u bnai wa dep wei katkam wa khana u President ka HANM, u Lamphrang Kharbani wa ha kani ka chithi wa da yoh, ka MHA da klam che wa ka sñiawthooh ko yei emkaam wow tipmit ya ka ktien Khasi, heiyatoh won wa i pynbait pood yow chna ya ka  Boundary Commission, ka MHA da pyntip ko wa ya ini i bynta da phah dei thoh cha kiwa toh u pait ya ini i kaam pynbait pood yow leh yeiwa emkaam.

Tangwa hawa yatoh wa i dawa ILP, u Kharbani da pyntip u wa ka MHA ym em jubab che ko neibhah wym em ong wa daw e næ ym e.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Kamtæ u Kharbani da ong u wa neidaw wym e yei jubab wa che yow pynkrehkaam ILP, neiliang ka HANM lyngba ka Anti Influx Operation Cell yong ka daw leh ko deiwa eh yow kynreh hi ya ki baar jylla.