Ym em booh kyndon ka sorkar pyrdi kammon u jied yow tipmit ya ki ktien: Conrad

U Montri Rangbah ka jylla, u Conrad Sangma hawa jubab yeiwa kylli u MLA ka liang pyrchah, u Heaving Stone Kharpran, da ong u wa ka sorkar da dep thoh ko la 8 sien cha ka sorkar pyrdi heiyatoh wa i dawa tipmit noh yei ktien Khasi wa Garo hapoh ka 8^th Schedule tangwa ym pu em e jubab hadooh katni iyi i rai.

U Conrad da ong u wa ha ka 15-05-19 da thoh cha u Chairman ka Schedule Tribe Commission neitæ da pynbood won sa cha kiwi kiwi wei yaka rai namo ka Resolution ka sorkar jylla da phah haka 14-12-18 cha ka sorkar pyrdi.

Da pyntip u wa da yoh juba ar sien kawi toh kawa da yoh haka 30-09-20 lyngba u Minister of State ka Home Ministry heiwa da ong wa i ktien wa klam ki bru toh iwa kylla katwa dang lai i por wei ym em kyndon wow ong kawon ka jait ktien wa klam da kiwa boon wei kiwon kiwa man kam ki chnat wa klam da kiwi ya ka jooh ka jait ktien.

Chooh chooh da ong u leh wa da jubab wym em ki kyndon wa ong kawon kawa man kam ka ‘Language’ wei kawon wa man kam ka ‘Dialect’ wei kammon u jied yow em hapoh ka 8^th Schedule wei da em ki Committee wa da thung ka sorkar pyrdi yow pait kammon u booh kyndon yow leh yeini tangwa kini leh ym ye ki wow ong deiwa tikna kammon u leh yeini.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Chooh chooh da ong hapoh ka chithi wa ka sorkar chimkhia ko yeini deiwa pyrkhat yeiwa sñiaw ki paidbah wei i dawa wow tipmit ya ki ktien hapoh ka 8^th Schedule toh kiwa dang pyrkhat ka sorkar.

Kamtæ u Conrad da pynche u wa katkam wa ong ka sorkar ym em kyndon wa da booh yow jied yow tipmit ya kiwon ki jait ktien wei ini ym ktah ko lada phah ar næ le tylli ki ktien yow yoh yei tipmit.