Ki 5 ngut ki MLA kiwa da chah beh (Suspend) chi por na ka Congress, ym em chah khut ki ha ka BJP cha ka yalang wa wan paan kyrchaan ka kyrtong President yong ka sorkar wa da yahkhmat da ka BJP, ka National Democratic Alliance (NDA).
Ka MLA yong ka East Shillong, ka M Ampareen Lyngdoh da ong ko wa ki 5 ngut ki MLA da sñiawsih ki deiwa pynrap wa boi wa mylliñ ki wa ki toh ki MLA kiwa emlang ha ka sorkar synrop MDA.
Hawa kylli lada daw chimbynta hei jied President wa thymme yong ka ri India, da ong ko wa ki 5 ngut ki MLA ym chim ki ya iwon iwon i rai, wei da ong ko wa ini da pynyoo wa boi da pyrkhat da kamwi ya ki 5 ngut wei ye u man wym em kheiñkor ya ki 5 Vote.
Hawa yatoh wa i sai yong ka BJP da ka manbei kawa toh da ka jaitbru ri-loom, ka Ampareen da ong ko wa kani ka luti wa jied ka BJP da pynlyngngoh ya kiwa boon wow kylla dur, wei ini i rai da pynkhriñ bha ko ya kiwi.
Hawa kylli chooh chooh, da ong u wa ki da pyrkhat ki wow kyrchaan ya ka kyrtong ka NDA, tangwa neidaw wym tipmit ya ki 5 ngut ki MLA, da pynyoo wa ka BJP ki kwah bait ki wow pynyoo yei wym ya krehlang wa ka Congress.
