Shillong: Ka sorkar jylla da e yutip ko ya ka sorkar pyrdi wow thung da ka dhab takit harong i awri awra ha ka thaw sumaar NEIGRIHMS, Shillong, heiwa da mih i pakhot khtieh hapyrdi u Director wa ki Doctor ka chnat Cardiology.
Hawa klam ynne ka sngi, u montri ka chnat i chait i khiah u AL Hek da ong u wa ka sorkar jylla daw thoh ko cha ka sorkar pyrdi wow thung noh da ka dhab takit bran bran wei wow phah ko ya ka bui hapoh kani ka tayaw.
Heijooh i por u Hek da ong u wa katkam ka bui wa da phah da ki bor pynlai na NEIGRIHSM ha ka 9 tarik uni u bnai, da booh wow pooid 14 ngut tangwa da sumaar du 4 ngut ha ka 10 tarik.
Da ong u wa oo chirup wa u montri rangbah ka jylla da yachem ki ya u montri ka chnat i chait i khiah ka ri, u JP Nadda wow kyntu wow kyrriah noh ya u director u Dr. DM Thapa, tangwa u Dr. Thapa da lai ujor u cha ka Scheduled Tribe/Scheduled Caste Commission wei da yoh yada u na kani ka Commission neibhah wa man u u Scheduled Caste.
Discussion about this post