Ym em chimkhia ka sorkar jylla wow pynkrehkaam ya ka soskular wa soi wa ki karkhana yow pynyoh kaam ya ki khynroo khyllood: LJP

Jowai: U State President ka Lok Janshakti Party (LJP) hadien wa hiar u cha kiwa boon ki chong ka ri-loom Khasi, Jaiñtia waka Ri-Bhoi da chem u wa katwa dang lai ki por dang joor i eh i khoo wa chem ki khynroo khyllood hapoh ka jylla kahmtam hei wym yoh khih yoh kreh ki.

Da ong u wa ymtoh ka jylla wa ym em laad ko wow e kreh ya ki khynroo khyllood wei toh du neidaw wym chimkhia ka sorkar jylla donhi.

Chooh chooh da ong u wa em boon ki karkhana hapoh ka jylla khamtam ha Ri-Bhoi wa ha ri-loom Khasi wa Jaiñtia tangwa ka sorkar wa katni hi da rai ko wow rngip hei yatoh wa ini wei da man ko kawa dooh nong wa khroo ya ki khynroo khyllood. Ini pynyoo ko wa ka sorkar u Dr. Mukul ym em leh ko iyi iyi leh wei da pyndooh ko yei hok ki tre ri tre khyndaw.

Ka ya soi soskular ka sorkar Meghalaya wa ki karkhana wa heh wa wan chapoh ka jylla katkam ka Industrial Policy 1997 toh deiwa kular wa kini ki karkhana daw e kreh ki ya ki khynroo khyllood ha ki kaam wa pynkreh ki hapoh ka jylla da man ko kawa sepai.

Related posts

Pynbna ka VPP ya ki kyrtong MDC ha ka JHADC wa KHADC

November 13, 2024

Kyntu ki seiñ ki jaitbru ri-loom ka Manipur wow dam u chibynta ha ka Election District Council

November 13, 2024

Ka LJP leh da ong ko wa i e kaam man ko leh ym du ya kiwa da biang i puræ puthi, toh u e kaam ki leh ya kiwa ym em biang kyrdan kawa man katkam ki kyndon ka soskular.

Ka State Executive Committee ka LJP da chim ko leh ya ka rai wow booddien ya ini yow chem tre wa neiyi i daw wa dooh kreh sang ki khynroo kyllood ha kini ki karkhana wa heh wa em hapoh ka jylla.