Shillong: U Symbood Montri Rangbah ka jylla, u Prestone Tynsong da ong u wa ki Autonomous District Council (ADC) ym embor ki wow e ya ki Labour Licence cha kiwa mylla baar jylla neibhah wa ym em ka kyndon wa e bor ya ki katkam ka Sixth Schedule.
Hawa yaklam wa ki kattu katni ngut kiwa thoh khubor, da ong u wa ki District Council da chna hi eh ki ya ka chnat Labour. Hawa kylli, u Tynsong da kyntait won u wow ong wa i leh yong ki District Council toh wa pyrchah yaka aiñ, tangwa da ban u wa ym em pynkup bor ya ki ADC ha ka Sixth Schedule.
U Prestone da ong u wa kamwa man kattæ, em du ki aiñ ka sorkar pyrdi wow yada ya kiwa mylla baar jylla kam ka Interstate Migrant Workmen Act 1979 wa ka Building and Other Constructions Workers (Regulation of Employment and Conditions of Service) Act, 1996.
Da pyntip u wa ka sorkar jylla katni da phah ko chah ka chnat aiñ (Law) wow pynkhreh noh yow chna ya ki aiñ wow e ya ki Labour Licence wa ki Work Permit cha kiwa mylla baar jylla, wei ya ini, ki stat ka chnat aiñ dang puræ bniah ki khnang wym yatyngkhooh wa ki aiñ ka sorkar pyrdi, neibhah wa hadooh katni ka sorkar pyrdi næ ka sorkar jylla ym em ko ya ki aiñ wa e bor yow e ya ki Labour Licence næ ki Work Permit kawa pynman wa waroh kini ki snem ki District Council u chimkabu da iwa e Labour Licene yong ki.
Discussion about this post