Shillong: Ka Table Tennis da man ko ka yakob wa nyngkong kawa da poi cha wakut ynne ka sngi haka Meghalaya Games 2019-20 wei da saam ya 50 tylli ki takma ha U Tirot Sing Syiem Indoor Stadium, Shillong.
Ki yakhun Final yong ki chynrang wa kynthai da wan wow sakhi da u President ka Meghalaya Table Tennis Association u RG Lyngdoh, u Inspector General of Police u AR Mawthoh, Superintendent of Police u Vivek Syiem, u Meghalaya State Olympic Association General Secretary u Chiranjib Choudhury wa kiwi kiwi kiwa da saam leh ya ki takma.
Haka kyrdan Senior Level, ka Tanushree Das Gupta da ksoh biang ko yei naam jop hapoh ka jylla katwa u Prithvi Dey da jop u hei yong ki chynrang. Kiwa de kiwa jop toh ka Davi Tang (Women’s Singles Category Two), ka Tanushree Das Gupta waka Camelia Diengdoh (Women’s Doubles Category One), Davi Tang waka Badaaihun Diengdoh (Women’s Doubles Category Two), u Ayan Joshi wa ka Tanushree Das Gupta (Mixed Doubles Category One), u Sumit Gareri (Men’s Singles Category Two), u Debayan Ghosh wa u Sandeep Kumar (Men’s Doubles Category One) katwa u Jeff AK Marak wa u Ario Chegado S Marak (Men’s Doubles Category Two).
Haka Athletics, u Dabit Dkhar (Boys U-17 800m), ka Ritina Hanse (Girls U-17 800m), u Sebastian Marboh (Boys Above 17 100m) waka Clara Jones J Kharbhih (Girls Above 17 100m) tow kiwa yoh takma ksiar ha JN Stadium. Waroh ki takma haka Athletics daw saam mynstep ka sngi.
Kiwi de kiwa jop toh u Bismo Sumer (Boys U-17 3000m), ka Ritina Hanse (Girls Long Jump), ka Lyntijingkyrmen Kharjahrin (Girls U-17 3000m), ka Dateibankynmaw Marwein (Girls Above 17 5000m), u Michael Ramsiej (Boys Above 17 5000m), u Fridaybirth B Marak (Boys Above 17 Long Jump), ka Clara Jones J Kharbhih (Girls Above 17 200m), ka Glorify Kurbah (Girls Above 17 800m), u Primus Ronghi (Boys U-17 High Jump), ka Anushka Majhong (Girls U-17 High Jump) wa u Riclass Taro (Boys Above 17 High Jump).
Haka Basketball won ha ki yalehke ki chynrang, ka Ri-Bhoi da jop ko da 63-34 yaka East Khasi Hills katwa ka West Khasi Hills da jop ko da 54-12 yaka East Jaiñtia Hills. Ka West Jaiñtia Hills won da jop ki yaka North Garo Hills da 49-32 katwa ka East Garo Hills da jop da 36-20 yaka West Garo Hills.
Haka yalehke Wushu won, Kyrshanlang Dkhar, Asha Sunar, Sahil Singh, Rishi Kanta Singh wa Pdiangtihun Dkhar toh kiwa yoh takma ksiar.
Discussion about this post