Shillong: U symbood montri rangbah ka jylla uwa man ruh uwa yahkhmat ka National People’s Party (NPP), u Prestone Tynsong da ong u wa ka kynhun Meghalaya Democratic Alliance (MDA) ym eh ko wow yoh ya u bru wa ya hunlang neibynta wow chimkti ya ka chuki Lamphang yong ka yung dorbar ka jylla.
U Prestone da ong u wa emkaam katni yaka MDA wow chong ya ka yalang hapyrdi waroh ki seiñ saiñ pyrthai kiwa em ha ka sorkar, wei da pyntip u leh wa ka yachemlang daw man smat ko ha chwa wow sdang ka dorbar ha uni u bnai wow wan.
Hawa kylli, wa hadooh katni ka UDP da ong ko wa ya katai ka chuki toh u e cha ka UDP, neiliang u Prestone da ong u wa kam ka Party, ka UDP ym em hok ko wow klam, neibhah ym em wa ye u kam ya katai ka chuki la daka UDP, NPP næ kiwi ki Party katwa ym ym pu rai da ka MDA.
Hawa yatoh won waka Election chiteiñ samoi ha Shella, neiliang uwa yahkhmat ka NPP da ong u wa ya ini leh kam ka Party daw chong pyrkhat ko.
Discussion about this post