Ym em i thmu kattæ wow sdang ya ki College sorkar thymme: Lahkmen

U Montri wa pait ya ka chnat Puræ Puthi hapoh ka jylla, u Lahkmen Rymbui da pyntip u wa ka sorkar em ko yei thmu wow pynbha pynmiat yei puræ puthi ha ki kyrdan wa heh tangwa kattæ ym em thmu ka sorkar wow sdang ya ki College sorkar wa thymme.

Yeini da ong u hawa jubab yeiwa kylli u MLA ka Nongpoh, u Mayralborn Syiem hapoh ka yung dorbar ynne ka sngi uwa da kylli chooh chooh wa kammon itæ i thmu ka sorkar wow pynbha pynmiat wei wow kyntu ya ka puræ puthi heiwa u Montri da jubab u wa deiwa ya krehlang wa ki NGO, kiwa pynlai chnong deiwa e yarap ka sorkar jylla kamjooh ka sorkar pyrdi.

U Mayralborn da ong u wa em du 6 tylli ki College sorkar hapoh ka jylla, 16 tylli ki Deficit Pattern College, 7 tylli ki College ki bru samen kiwa da ka Adhoc Grant wa kamtæ ter ter wei da kdaw u wa hapoh ka Ri-Bhoi District da em du kawi ka College katæ ka Ri-Bhoi College kawa nachwa em ko hapoh ka Deficit Pattern wei katni da kynthup ya ka hapoh ka People’s College.

Kamtæ da ong u wa ka Ri-Bhoi kawa em kamwa 2.58 lak ngut ki bru emkaam ko ya ka College sorkar.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Neiliang u Montri da ong u wa hapoh ka Ri-Bhoi da em leh ka Union Christian College kawa kyrchaan leh da ka sorkar wei hapoh ka Model Degree College Scheme da chna ya ka Patharkhmah Model College wei dang yang wow thung ya kiwa sikai.

U Montri da pyntip u leh wa ya kani ka Model College daw pait da ka sorkar wei lada emkaam ye wow ekti ya ka cha ka chnong lane cha kiwi katkam wa emkaam.

Chooh chooh da pyntip u wa ya kani ka Model College da chna deiwa yoh yarap poisa naka sorkar pyrdi heiwa neiliang ka sorkar jylla da yarap ko ya 9 tylli ki Community College deiwa su tulop ka sorkar ya kiwa sikai kamjooh ki wakreh wei ini da man i i sien wa nyngkong wa da leh da ka sorkar kamni.

Neiliang u MLA ka Mowkaiaw, u Nujorki Sungoh da kylli u wa lada emlaad wow pynim biang ya ka Saw Lyngdoh College kawa em hapoh ka Mowkaiaw kawa da hap khang neidaw wa duna poisa. Neiliang u Montri da pyntip u wa ynnin u snem ka sorkar da dep ko wow mynjur wow kyrchaan ya ka Shangpung College kamtæ ym nood u wow e iwon iwon i kular.

Hawa kylli lada dap hi i em ki College hapoh ka jylla yeiwa emkaam kiwa lai puræ, u Montri da pyntip u biang hi i boon ki College tangwa iwa eh toh manda kwah u lai bait du ha kawi ka College wei yeini ym ye wow pyndap.