theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1

Ym em i tih mooyong hapoh Meghalaya la soo snem pyntip u Pralhad Joshi hapoh Parliament

Advertisement ad1

U Montri ka sorkar pyrdi wa pait ya ka Ministry of Coal, Mines wa Parliamentary Affairs, u Pralhad Joshi hawa e yei jubab hapoh ka Rajya Sabha ynnin ka sngi heiyatoh wa i tih mooyong hapoh Meghalaya, da ong u wa ym em i tih mooyong ha Meghalaya la soo snem katkam ka yukheiñ ka Coal Controller Organization.

Da pyntip u leh wa i em u mooyong wa da dep chim yukheiñ ha Meghalaya katkam wa da pynbna da ka Geology Survey of India (GSI) ha ka 01-04-2021 toh 576.48 MT.

Ka National Green Tribunal da pynmih hukum ko ha ka 09-06-2014 yow khang yei tih mooyong pyrchah ya ka aiñ kamjooh i tih mooyong wa tip kam i Rat-Hole Mining iwa da leh ha kylleiñ ka jylla Meghalaya.

Wei hadien ka NGT, da pynmih leh ka Supreme Court ya ka hukum ha ka 03-07-2019 deiwa phah bood ya ka aiñ Mines Act, 1952 hawa tih ya u mooyong deilang waka Coal Mines Regulations, 2017 neibynta kitu kiwa em ya ka Mining Lease wei i pynkrehkaam ya kini ki aiñ da ekti ha ka sorkar jylla.

Da pyntip u leh wa katkam i pynbna (Notification) kawa da pynmih ha ka 15-01-2016 hapoh ka Environment (Protection) Act, 1986, da emkaam wow yoh ya ka Environmental Clearance chwa wow tih ya u mooyong ha kawon kawon ka thaw. Wei yow leh ya ini waroh hapoh Meghalaya, ka sorkar Meghalaya hap ko wow bood ya ka aiñ MMDR Act, 1957, ka aiñ Mines Act, 1952 kamjooh ka Environment (Protection) Act, 1986.

Neidaw won wa mantre da ki bru paidbah yei thaw kamjooh da ki chnong, ki kur hapoh Meghalaya, kamtæ ya ka Mining Lease hapoh ka Chapter V ka Rules, 1960, ym toh ka sorkar wow tangwa ki tre thaw hadien wa da yoh bor na ka sorkar pyrdi kamjooh ka sorkar jylla.

Chooh chooh da pyntip u wa ka sorkar jylla da pynkrehkaam ko ya iwa da phah da ka Committee wa thung da ka National Green Tribunal yow khang ya ki krem mooyong wa da tih chwa wa pynmih ya ka hukum da ka NGT ha u snem 2014 wei da kær leh soodong ya kini ki krem mooyong kiwa dang em mooyong wa ye u tih katkam ka aiñ.

Da pyntip u leh wa ka sorkar pyrdi ym em leh ko ya iwon iwon i Social Auditing hapoh ka jylla Meghalaya.

Puræ leh: Ym em mon ka sorkar wow pynchitom ya kiwa tih mooyong pyrchah aiñ: High Court

Share this:
Previous

Pynkup burom ka Parish Nangbah ya ki khynroo da ka Otto Hopfenmuller Excellence Award

Next

Kyntu u Modi wow booh dei dur ka lama ka ri ha ki Social Media