U montri i chait i khiah ka jylla u AL Hek da pyntip u wa da yoh ujor wa da em ki Hospital kiwa ym bien wow e sumaar ya ki bru katwa ym pu yoh yaka Result ka COVID-19 Test.
U Hek da ong u wa ki thaw sumaar ym ye ki wow kyntait wei pynyang yow e sumaar neibhah lada slem wow yoh yaka Result kiwa em i por wa hap yang hadooh 48 kynta, kiwa wan phah sumaar daw joor i chitom yong ki.
Hawa kylli won hadooh katwon man tikna ka Rapid Antigen Test kawa da pynemkaam wow Test COVID-19, u DHS(MI) ka jylla u Dr. Aman War da ong u wa ym em kawon kawon ka Test wa tikna 100% deiwa e nongmuna wa hadooh wa leh yaka Test MRI daw phær ko na kawi cha kawi iwa chong ha ka kor wa pynemkaam.
Heiyatoh won wa i phah leh Test da ka Rapid Antigen, da ong u wa ini toh katkam wa phah da ka ICMR. Wei lada em kiwa ym sñiawhun ye ki wow phah leh daka RT-PCR Test waka Truenat Test.
