Kiwa lai pait ya ka Final ka FIFA World Cup 2026 ha ka CM Football Fan Park wa em ha madan Jrisaleiñ, Chutwakhu, Jowai da mih ki da ki boon spah ngut hapyrdi i ktieh ki soodong ka madan kamjooh i joor u slap deilang ka la’ær.
U slap ha Jowai toh uwa hiar nadooh ka 19 tarik wei da pteiñ u leh hadooh i step ka 20 tarik.
Ki paidbah da wan ki deilang ki lama ki ri wa yachah ki chirup ki Uniform wei ka thaw paitke toh kawa dadap smam.
Chwa u kut ka yalehke heipor kamwa 4:00 waje haroh, u slap da joor chooh chooh u wei kat u put Whistle pynkut ya ka yalehke, da jop ka Spain ya ka Argentina da 1-0 da ka kool wa thap u Ferran Torres ha ka minit wa 106 ka Extra Time.
Kiwa yachah Spain da yachaad chongchit ki chynrang wa kynthai hadooh wa liwan leh da ki kari wa dei kjat hapyrdi u slap wa joor.
Da wan leh wow sakhi ya kani ka Final da u MLA ka Jowai u Wailadmiki Shylla uwa man leh kam u Sports Minister ka jylla.
Discussion about this post