Shillong: U Montri Rangbah wa rim ka jylla u Dr. DD Lapang ynne ka sngi da len u wa chah kyntait u cha rood ha ka Congress deiwa kam u waka Ri-bhoi District da biang yoh ko ya ki kaam pynroi .
Da ong u yeini hadien wa pynbaad u President warim ka Nongpoh Block Congress Committee (NBCC) u CB Syiem uwa kam wa boon ki scheme wa toh u yoh ka Ri-bhoi da pyllai ya ki cha kiwi da ka sorkar jylla wa em katni.
Neiliang u CB Syiem da kam u wa kiwa boon hi ki kaam pynroi neini da lai ko cha Garo Hills bait.
Da e nongmuna u deiwa ong wa da kyrriah ya ka Sericulture Training Institute kawa da mang poisa T. 22 Klur kawa toh u yoh ka Pahamsyiem, Ribhoi cha Ampati ka Constituency Mukul Sangma ynnin u snem.
U CB Syiem deilang wa 18 ngut ki dkhot ka NBCC da ieh kaam ki ha ka yurim wa ka Congress hapoh i yah khmat u Dr. Mukul Sangma ym em kheiñkor ki ya u MLA ka Nongpoh.
U Lapang leh da mynjur u wa kani ka scheme da dooh ka Ri-bhoi ka wei da dep thoh u cha u Zenith Sangma hei yatoh wa ini.
Neilaing won u Adhoc President ka NBCC, u Meralborn Syiem da ong wa ini toh du chilliang donhi ka khubor wei da em ki daw wa leh ya ini.
Da ong u wa da leh ya ini toh wa i thaw ha Ri-bhoi ym yahaap wow sdang ya ka ka Sericulture Training Institute.
Hei yatoh won wa ka scheme na ka tnat Water Resources Department, u Lapang da pyntip u wa katni dang yang yei mynjur ka sorkar wei ym em kiwa knieh ya ka.
Hei yatoh won yei ieh kam u Syiem da ong u wa da dooh ya u bru wa biang kattæ leh da pyn ehbok ehnasib u ya oo ya ki luti wow lai u neini cha khmat.
U Lapang da ong u leh wa lada yeiñ u Syiem ha kani ka election wa daw wan da pdiang sniawbha u yei rai yong oo.
Chooh chooh da ong u wa ka NBCC da khlan ko wei ini wa dep da em 56 ngut kiwa kreh ka UDP kiwa wan snoh kti lang wa ka.
Discussion about this post