Ym em kyrchaan u heh ka ULFA (I) wow man C-in-C u Drishti Rajkhowa ya ka GNLA

Jowai: Hadien wa mih ka khubor wa u Second-in-Command ka ULFA (I), u Drishti Rajkhowa daw yahkhmat noh u ya ka GNLA, u heh dooh ka ULFA (I) u Paresh Baruah da ong u wa ini ym ye i u man.

Hadien wa chah siat yap u Commander-in-Chief GNLA u Sohan D Shira, u Drishti Rajkhowa da ong wa da chimkti u wow yahkhmat ya ka GNLA wow yarap ya ki wow poi ki cha ka thong yong ki.

U Paresh Baruah won da ong u waka ULFA da beiñ u ya ini deiwa ong wa ka riti synchaar ka ULFA ym chah ko wow leh ya ini lada man katwa man leh.

U Commander-in-Chief ka GNLA u Sohan D Shira da ong u waka yurim ka GNLA ym em pyrchah ko ya ka ri India wa ya riti synchaar (Constitution) ka ri wei ki da yaleh ki wow yoh ya ka jylla Garoland wei lada yoh ya kani ka jylla hapoh le sngi u wan pyndem lut ki waroh.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Katwa ka ULFA won ym bien ko u tipmit ya ka Constitution ka ri India wei ye u man wa na ini i daw u Baruah ym em kyrchaan u ya u Drishti Rajkhowa kam u Commander-in-Chief wa thymme ka GNLA hadien wa khlaad u Sohan D Shira.

Also Read: Jied ka GNLA ya u C-in-C wa thymme yong ka uwa kular wow wanrah 50 ngut ki dkhot wa thymme