Ynne ka sngi ka dhab ki montri ka sorkar jylla da chong yalang jhan ki wow pyrkhat ya ki kaam khamtam hadien wa ku syndet kiwa yoh ya u COVID-19 hapoh jylla.
Hawa yaklam wa kiwa pathai khubor hadien ka yalang, neiliang u Symbood Montri Rangbah ka jylla, u Prestone Tynsong da ong u wa katkam wa man kattæ ym pynkrehkaam ya ka Lockdown, deiwa pynrap leh wa daw pynkhor ya ki kyndon kamwa man ha u snem wa dadep (2020) khnang wow lait uni u khñiang khlam wow poor.
Da ong u leh wa ha kini ki 24 kynta wa dalai da em kamwa 100 ngut kiwa da chah ktah ha uni u khñiang COVID-19.
U Prestone da pyntip u wa da rai leh wow pynkhai im biang ya ki COVID Management Committee hei yakrehlang wa ki Dorbar Chnong wa ki bor District.
Da pyntip u leh wa da rai wa kani ka yalang namo ka Review Meeting daw chong ko 2-3 sien chi tayaw wow pyrkhat ya ki kaam khamtam wow pait lada em i ku næ i hiar kiwa chah ktah.