U Symbood Montri Rangbah ka jylla u Prestone Tynsong da kyntait u wa ong u næ klam u wow sdang noh ya i kaam wa yatoh wa ka luti rel hapoh ka jylla.
“Nga da klam che O hajrong ka luti rel, wa neiliang yong ka sorkar ym pu chim ko yaka rai iyi iyi hajrong ini, tangwa da e bor ha ki bor pynlai District neibynta wow pynman ya ka yalang wa ki tre thaw, kiwa yahkhmat chnong wa kiwi kiwi kiwa embynta neibynta wow sñiawthooh che yei e yumut chwa wow lai chakhmat,” da ong u Prestone hawa klam cha ki laad pathai khubor ynne ka sngi.
“Nga ym em e O ya iwon iwon i klam wa ong wow pynlai chakhmat ya i kreh wow sdang noh ya ka luti rel ha Byrnihat, tangwa nga da klam O deiwa che wa hajrong ini i kaam, ka sorkar da e bor ko ha ki bor pynlai District neibynta wow khut ya ka yalang wa kitu kiwa embynta wa ka luti rel khnang wa chwa wow poi cha kawon kawon ka rai, toh u em i sñiawthooh yumut lang waroh,” da ong u.
