Uwa yahkhmat ka Congress haka jylla, u Ronnie V Lyngdoh da ong u wa hadooh kattæ ym em iwon iwon i phah naka seiñ bei na Delhi wow ya saam ya ki Constituency hapoh Meghalaya da ka dhab ka INDIA (Indian National Developmental Inclusive Alliance) kawa em 28 tylli ki seiñ saiñ pyrthai hapoh ka ri wa yahkhmat da ka Congress da ka thong wow pynrem yaka BJP wa ki lok ko wa em hapoh ka sorkar NDA ha uni u snem.
Dang ini wa dep da mih khubor wa ka TMC ha kani ka jylla da paan ko yaka Tura Parliamentary Constituency katwa yaka Shillong u man ko yaka Congress.
Hawa klam ynne ka sngi, u Ronnie da ong u wa ym pu em iwon iwon i phah naka seiñ bei wow em i ya saam ya ki Constituency. Heijooh i por, ka Congress da dep pynbna ko leh wa da rai wow pynyakhun ya u Vincent H Pala na Shillong katwa na Tura da phah yei pyrtuid u MLA, u Saleng A Sangma wei chong sa ha ka AICC wow e yei mynjur.
Da ong u wa lada wan i phah naka AICC, ka Party daw hap ko wow bood yeitæ tangwa kamwa man ym em i phah saam ya ki Constituency ha Meghalaya.
Discussion about this post