Hadien wa poor iwi i Video ha Social Media wa pynoo wa da jæd i tnoom ka Meghalaya Assembly Building wa dang chna thymme ha Mawdiangdiang, neiliang ka sorkar da pynche ko wa ini toh iwa pynbaad bakla.
Da pynche wa ym em iwon iwon i jæd i pra tangwa kattæ iwa dang pynkreh toh yow pynkhooid pynmiat ya iwa tngit wa jakhlia chwa wow e kti noh cha ka sorkar.
Da pyntip wa ha kini ki Tin wa em ha tnoom yung dang em kiwa em Sticker wei ym em da pynkhooid bha ki, kamtæ neiliang ka Company wa pynkreh ya kani ka yung da phah ko ya u Contractor wow kylliang da kiwi ki Tin, kamtæ ar sngi nachwa da sdang yei kreh wei pyn ynne ka sngi da pyndep yei kreh.
Chooh chooh da ong u wa i kreh kattæ toh iwa da jan pyndep wei daw e kti noh ya kani ka yung cha ka sorkar ha ka tayaaw nyngkong u bnai June.
Da kyntu leh ya ki paidbah wym toh u ngiat ya ki khubor thok kiwa yahbakla chaphang i roi i paar hapoh ka jylla.
Discussion about this post