U Montri ka sorkar pyrdi, u Hardeep S. Puri uwa pait ya ka Ministry of Petroleum & Natural Gas, da pyntip u hapoh ka Lok Sabha ynnin ka sngi wa ym em pynku dor yei Petrol wa Diesel da ki Oil Marketing Companies nadooh ka 06-04-22 hanla da ku dor pha i phñiang hapoh pyrthai.
Da pyntip u leh wa ka sorkar pyrdi da dep ko wow pynhiar ya ka Central Excise Duty ar sien yow yada ya ki paidbah nei ku dor.
Da pyntip u wa ka India da wanrah ko na baar ri palat 85% i phñiang wym pu dep pynkhooid namo i Crude Oil. Kamtæ i dor i phñiang hapoh ka ri da lai lang i wa i dor ha ki yaaw ki haat ha pyrthai, wei chong i leh hei khlanbor ka poisa India, i bai kit da ki jhaad, bai kari, i bai pynkhooid, ki dan ka sorkar pyrdi, ki VAT ki jylla wa kiwi kiwi de.
Hanla i phñiang wa thied ka India da ku da 102% (iwa ku na $43.34 cha $87.55) nadooh u November 2020 cha November 2022, i dor i Petrol wa Diesel ha India da ku du 18.95 % wa 26.5 % ha kini ki por. Hawa nujor i ku i dor phniang ha kiwi ki ri heiwa ha UK chi liter i Petrol da chongdor i T. 152.41 ha u Naichiphaw 2022 katwa ha India won T. 96.72 chi liter wei hawa nujor wa kiwi ki ri, man i kamni ha wah iwa da pynyoo hei dor ka poisa India:
| Oct 2022 | Oct 2022 | Oct 2020 | Oct 2020 | % Change | % Change | |
| Country | Petrol | Diesel | Petrol | Diesel | Petrol | Diesel |
| India (Delhi) | 96.72 | 89.62 | 81.06 | 70.53 | 19.3% | 27.1% |
| USA | 83.00 | 113.38 | 41.87 | 46.35 | 98.2% | 144.6% |
| Canada | 104.65 | 130.84 | 57.96 | 54.87 | 80.6% | 138.4% |
| Spain | 140.47 | 154.88 | 100.27 | 88.96 | 40.1% | 74.1% |
| UK | 152.41 | 171.35 | 108.06 | 112.76 | 41.0% | 52.0% |
| Exchange rate | Rs. 82.34/$ | Rs. 82.34/$ | Rs. 73.46/$ | Rs. 73.46/$ | 12 % | 12 % |
U Montri da pyntip u leh wa i dor Petrol wa Diesel ym em da pynku da ki Public Sector Oil Marketing Companies (OMC) nadooh 06-04-22 hanla i dor ha ki yaaw ki haat ka pyrthai da ku bha i wei ini da wanrah i yei dooh nong ya ki OMC kitæ ka IOCL, BPCL wa HPCL iwa da poi T. 27276 klur ha chiteiñ u snem mang tangka 2022-23.
Yow yada ya ki paidbah na ini i kur dor, ka sorkar da dep ko wow pynhiar ya ka dan Central Excise Duty ar sien ha u 21-11-21 wa ha u 22-05-22 deiwa pynhiar T. 13 ya i Petrol wa T. 16 ya i Diesel. Wei hadien ini, ki jylla leh da pynhiar ki ya ka dan yong ka VAT hawa kheiñ hei Petrol wa i Diesel iwa da yarap leh wow pynhiar yei dor i phñiang kari.
