U Montri Rangbah ka jylla, u Conrad Sangma hawa e yei jubab hapoh ka yung dorbar ynne ka sngi, da pynche u wa ka Uniform Civil Code (UCC) Bill wa da wanrah ha Parliament ym toh kawa wanrah da ka sorkar pyrdi tangwa man ko du kam ka Private Members’ Bill wa da wanrah u MP wei hapoh ka Rajya Sabha hapoh ka thup ki Bill kiwa dang sahteiñ (Pending Bills) kani da em ko hei chispah kawa dang sah wei kani da kut ko kamni donhi hadooh kattæ.
Da pynche u leh wa kani ka aiñ toh kawa da booh donhi ha ka miej ka Rajya Sabha kam ka Bill wei ym em yoh ko yei mynjur wow man kam ka aiñ. Iwa mut dang sahkut ko kam ka Private Members’ Bill.
Yeini da jubab u Conrad yeiwa kylli u MLA ka Mawryngkneng, u Heaving Stone Kharpran wei yeiwa kylli pynbood u MLA ka Nongkrem, u Ardent Basaiawmoit.
