Ym em pyrchah ka Dorbar Chnong Lumdaitkhla yei pynman Cherry Blossom Festival ha ka sngi Sunday

I pynkut ya ka Cherry Blossom Festival 2023 ha ka sngi Sunday itæ ka 19 tarik u Khonchonglad (Nov) da pteiñ i wow mih khubor heiwa ha kani ka kynti won ka Dorbar Chnong Lumdaitkhla Bhoirymbong, Ri-Bhoi da pynche ko heiyatoh waka tarik wa pynman ya kani ka tamasa deiwa ong wa kam ka chnong ym em pyrchah ki yei pynman ka sorkar ya kani ka tamasa ha ka sngi Sunday.

Da pynche ki wa da e NOC ki ya ka sorkar wow pynman ya ka tamasa deiwa e laad wow jied ka sorkar ya ki tarik wei ka sorkar leh da pynche ko wa da pynman ya kani kam chibynta wow pynku ya ki kaam uiñke suwari wei ka NOC wa da e toh wa ye u pynman ya ka tamasa nadooh ka 25-10-23 hadooh ka 25-11-23 ha Madan Kurkalang.

Chooh chooh da pynche wa kam ka chnong ym em tip ki ya ka tarik hadooh wa em kiwa mih chakhmat yow pyrchah yeini neidaw wa ka 19 tarik haap ko ha ka sngi Sunday.

Manda mih ini i pyrchah, neiliang ka chnong da yaklam ko wa kiwa pynman ya kani ka tamasa heiwa ki da kular ki wa ym chah pynthut i pynman yaseiñ ha kani ka thaaiñ.

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Ka dorbar chnong lyngba u waheh chnong, u ST Rympei da pynsñiaw u leh yei hun wa jied ka sorkar wow pynman ya ka Cherry Blossom Festival ha Bhoirymbong wei kam ka chnong leh ym em pyrchah ko deiwa kyrmen wa kani ka tamasa daw pynu ko ya ki kaam uiñke suwari ha ka chnong ka thaw yong ki wei kamjooh leh ha ka jylla hi waroh kawi.