Shillong: U Montri wa pait ya ka chnat bordiñ ha ka jylla, u James PK Sangma da ong u wa ym toh iwa phylla yei pynbaad u MLA ka Congress na Rangsakona, u Zenith Sangma hajrong i krehkaam ka chnat bordiñ.
U James da ong u wa waroh ye ki wow pynsñiaw wei ym toh iwa phylla, tangwa lada em i bakla næ i tkoh ha i krehkaam, ka chnat daw bichaar ko, deiwa pynrap wa katkam i tip yong oo, ym em itæ i tkoh ha i krehkaam.
Hawa yatoh wa i wym ye u pynkrehkaam de yaka Umiam Hydro Power Project Stage III & IV, u James da ong u wa ka chnat da bichaar ko yei dooh yong kitai ki Project neibhah kam ini jooh jia, wei iwa emkaam u man bait ko wow pynbait wei pyntikna wa ki kaam u lai bait wei kyrmen u wa kam kini ki bakla ym jia de ki ha ki por wow wan.
Hajrong i dawa wow thung da ka kynhun takit hawa yatoh wa i thungkreh ya ki 128 ngut da ka MeECL, da ong u wa ka takit man ko kawa emkaam, tangwa u takit ya iwa takit man ko du wow pynlut yei por.
