Ym em su nong ya kiwa kreh Casual ka Sports Council katkam i dor wa da booh ka sorkar: KHNAM

Ka Khun Hynniewtrep National Awakening Movement (KHNAM) da kyntu ko ya u Chief Engineer ka State Sports Council (SSC) wow pynyinsur yei myntoi na ka Meghalaya Regular Casual Workers Scheme, 1996 cha kiwa khih mylla ha ka Council.

Ha ka dorkhat wa da e, ka KHNAM da kdaw ko ya ka OM wa pynmih ka sorkar ha ka 16 tarik u September 1996.

Kani ka Scheme tipmit ko ya kiwa kreh mylla namo Casual Workers Employed kam ki Regular Casual Worker khamtam kiwa da kynjoh 20 snem i chakri wa kiwi ki myntoi kamjooh ka Reservation wa 50% ya ki kreh Group D wa kiwi.

Ka seiñ da pynbaad ko leh wa ka State Sports Council ym em pynkrehkaam bha ko ya kani ka Scheme.

Related posts

Daw pyrchang katwa ye wow pdiang ya kiwa em Permit ha Iawmusiang Shopping Complex: CEM

June 18, 2026

Hadooh 85 tylli ki Case wa em pyrchah ya ka KHADC ha High Court

June 18, 2026

Ka KHNAM da ong ko wa kiwa kreh ym em myntoi ki na ka nong wa da booh da ka Labour Department wei kiwi ki kyndon ka EPF wa ESIC ym em krehkaam ko.

Chooh chooh da ong wa kiwa kreh ka State Sports Council da chakri ki boon snem tangwa ym em myntoi ko na ka Scheme yong u 1996 heiwa ka nong ym em su katkam ki kyndon ka Labour Department.

Ha ka dorkhat da kdaw leh ya ka RCW 1996 neibynta kiwa kreh ka Council heiyatoh wa i pynku ya ka nong katkam i dor ka Labour Department wei wow pynpsiah yei pyrtuid kiwa kreh hapoh ka EPF wa ESIC katkam ki kyndon sorkar.