Ynnin ka sngi ka Jaiñtia Tribal Trader’s Association (JTTA) da pynman ko ya i lai kjat namo ka Rally cha ka yung krehkaam ka Jaiñtia Hills Autonomous District Council (JHADC) heiyatoh wa ka Iawmusiang Shopping Complex heiwa da yachem ko wa u EM wa pait ya ka chnat Market, u Bison Roy Iano.
Hawa yaklam wa u CEM ka Council, u Thombor Shiwat da ong u wa kiwa kitkaam ka JTTA wan mih ki cha ka Council man-i-por heiwa i kwah ki toh wa waroh kiwa em Permit u yoh dukan ki ha Iawmusiang Shopping Complex.
Da ong u wa katkam wa man katni ya kani ka Complex da pynkreh da ka PWD (Building) heiwa ya ki dukan da chna katkam wa da dro dur ko.
Chooh chooh da ong u wa ym ye wow ong iwon iwon hajrong ini i dawa yong ki JTTA deiwa pynrap wa manda e kti ka PWD ya ka Complex heitæ u thooh laad wei u pyrchang u pdiang ya waroh kiwa em Permit ha kani ka Complex.
Discussion about this post