Hadien wa ka sorkar jylla da phah khang ko ya waroh ki khyrdop khrong dan namo ki Toll Gate ki District Council ynnin ka sngi, neiliang u Winning G Sungoh, EM Incharge Taxation da pynche u ynne wa ka JHADC ym em Toll Gate ko kawa khrong dan.
Da ong u wa ka JHADC em ko ka Forest Beat House kawa pait yei lai i wan ki mar rep kiwa pynmih napoh khloo (Forest Produce) wa ka Check Station yong ka chnat Taxation ka Council yow sylli ya ki kari kamai ki baar jylla ki wym biang ya ka Trading License, kamtæ hajrong ini da ong u wa ka JHADC ym em Toll Gate ko.
Da ong u leh wa ka Council em ko i bor wow khrong dan katkam ka Paragraph 8 ka 6th Schedule kawa da e bor wow booh da ki Toll Gate wei hajrong ini ka sorkar da ong ko wow wanrah ya ka Action Plan yow e cha ka sorkar jylla wei yow pyrkhat kammon u leh deiwa ya krehlang waka sorkar.
