Jowai : Kawi na ki seiñbhalang wa kreh yei bha i miat kawa tip kam ka Jaiñtia Students’ Movement hadien wada ujor ki paidbah ha ka da lai ki u yachem wa u CEM ka JHADC ynne ka sngi 10 tarik hei yatoh wa ka lama wa pynhær ha khlieh i yung krehkaam ka Council.
Ha ini i lai yachem ka seiñ hapoh i yahkhmat u General Secretary yong ka u Leningstar Rymbai da ong u wa ka lama ka ri India wada pynhær ha kani ka yung krehkaam ka Council da man ko kawa da jæd wei da pleh rong.
U ma Rymbai da kam u wa ini i pynhær yaka lama wa jæd yong ka ri man i iwa tyngkheiñ yaka aiñ Prevention of Insult to National Honour Act, 1971.
Da ong leh wa ka seiñ da pyrchang ko u yachem wa u CEM tangwa ym yoh por u wei heijooh i por ka seiñ da thied ko yaka lama ka ri wow pynhær ha JHADC lada ka council ym em lama de ko da kawi.
Ynne ka sngi ka JSM da wan ko cha ka ophis ka JHADC wei da rah ki leh wa ka lama ka ri wa thymme wa da thied ko. Hadien wa yoo kiwa kreh ka Council yeini i wan kani ka seiñ da phah smat ki ya u chowkidar wow sai u da kawi ka lama wa thymme wei da kylliang u ka bran bran.
Discussion about this post