Ym em u hun ka sorkar jylla yei rai yong ka High Court hei yatoh wa i thung kreh ya kiwa sikai skur

Shillong: Ka sorkar jylla da pynsñiaw ko yei wym hun ko ya ka rai wa da pynmih da ka yung bichaar ka Meghalaya High Court hei yatoh wa ka kaam thung kreh ya kiwa sikai skur hapoh ka jylla.

Ka yalang yong ki dhab ki montri sorkar jylla wa da pynman ynne ka sngi da chim ki ya ka rai wow ujor cha ka yungbichaar wa ha khliehdooh ka ri ka Supreme Court hadien wa da yoh ya ka yumut na ka tnat aiñ wa ka tnat puræ puthi ka jylla.

U Montri Rangbah ka jylla u Dr Mukul Sangma hawa yaklam wa kiwa pathai khubor ynne ka sngi hadien kani ka yalang da ong u wa ka sorkar da bichaar bniah ko yei e yumut ka tnat aiñ wa ka tnat puræ puthi wow ujor cha Supreme Court pyrchah ya ka rai yong ka High Court.

Da ong u wa daw ekti ya ini i kaam ha ki muktiar wei daw pynkhreh ki ya ka dorkhat wow ujor cha ka Supreme Court wei yeini daw ekti nadooh mynstep ka sngi.

Related posts

Em 151 tylli ki kreh wa thylli, phah u Wailad ya ka DSC wow thooh lada dang em chooh kiwa wa lait

May 16, 2025

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Katkam i ong u Dr. Mukul, ka sorkar da chim ko ya kani ka rai hadien wa da chem ko yei eh i khoo wa yachem kiwa sikai skur katni.