Ynne ka sngi hawa kylli yei sñiaw hajrong ki Advertisement wa da pynpoor lyngba ki Social Media kiwa beiñ wei pynbaad kut jait ya u Montri Rangbah kamjooh yaka sorkar, neiliang u Conrad K Sangma da ong u wa ini waroh toh chibynta yong ka saiñhima (Politics) wei jia i ha kylleiñ wei ym em u khyrngiat u yeini.
Da ong u wa da yoo u yeini nachwa wa katni tangwa emkaam wow tip wa lai bait ki kreh ya ki kaam pynroi wei ki bru wa yoh ya ki kaam pynroi leh kmen ki.
Chooh chooh da ong u wa ki bru samen kiwa klam kiwa beiñ wei pynbaad ya oo ymbien u wow klam neibhah da ki hajar ngut ki bru kiwa psiah cha ka NPP man-ka-sngi wei ini rap klam pyrthai i.
Heijooh i por da ong u wa lyngba ki Social Media ki bru ye ki wow pynsñiaw yeiwa em ha ki katwa ka sorkar won u pteiñ ko u kreh ya ki kaam yong ka.
