Shillong : Ki Autonomous District Councils (ADC) yong ka jylla Meghalaya ynne ka 3 tarik da chong pyrkhat ki hei yatoh wa i thmu wow pynkylla ya ka AD Rules, ka wow e laad ya ki baar jylla u em bynta ki ha ka Election ha waroh ki ADC.
Katkam ka kyndon wa dang booh thymme da ong wa waroh kiwa chong chnong wa da dap 18 snem cha neiñ em hok ki u thap Vote khlem wyrchaw lada man ki ki tre ri namo ki baar jylla.
Kani toh katkam ka Rule 128 ka Assam and Meghalaya Autonomous District (Constitution of District Council) Rules, 1951 kawa ong che wa waroh ki tre ri India em hok ki u thap vote ha ki Election ka District Council.
Ha ka yalang wa pynman ynne ka sngi ha pyrdi waroh ki ADC wa kynthup ya ki CEM wa da wan em bynta ki dkhot ka KHADC, GHADC katwa neiliang ka JHADC won u CEM ym em ye u u wan emlang ha kani ka yalang.
U CEM ka KHADC u PN Syiem da ong u wa ka luti wow lai cha khmat toh wow thooh yutip wa bniah katkam ka aiñ wa ka Rule 128 man sakhiat ko mo katkam ka Constitution ka ri wei hadien ini daw chim ya ka rai.
Ka Khun Hynniewtrep National Awakening Movement (KHNAM) da maham ko wow pynman da ka yakhih paidbah lada ka KHADC ym ye ko u yieñ ha ka yurim wa biang yow yada ya ki trei ri tre muluk.
U Adelbert Nongrum u CEM wa rim ka KHADC da ong u wa kani ka Rule 128 toh ka wow ktah joor ya ka jaitbru wei oo da pyrchah joor u ya kani da slem.
Discussion about this post